Aziz bolajonlar! Tulki va tulkichalar, ularning ayyorliklari, topqirliklari haqidagi ertak va qissalarni o'qiganingiz rost. Lekin bu ertak-qissa ko'z ko'rib, quloq eshitmagan voqealarga boyligi bilan ajralib turadi. Bolgar adibining qalamiga mansub ushbu qissa hazil-mutoyibaga yo'g'rilgani, hayotda koʻrib-bilib yurgan narsalaringizni jonivorlar harakati orqali sodda va ishonchli tarzda yoritib berilishi siz bilan birga ota-onalaringizni ham qiziqtirib qoʻyishi turgan gap. Do'stlik, hamjihatlik, mehr-oqibat kabi insoniy tuyg'ularning majoziy talqini qissaning tarbiyaviy ahamiyatini yanada oshiradi. "Tulkichada qanot yo'q. U qanday qilib havoda parvoz qila ola-di?" yoki "Tulkichа qanday qilib dengizda suza oladi?" deb savol berishingiz mumkin. Buning uchun qissani oxirigachа o'qisangiz, bu savollarga albatta javob topasiz.