Qo'lingizdagi kitob farzandlaringizga o'zbek tilida to'g'ri o'qishni o'rgatish uchun yordamchi qo'llanmadir. Ushbu qo'llanma o'qishni o'rgatishda an'anaviy yondashuvga asoslangan. Alifbe kitobimizda harflar(tovushlarni o'rganish oddiylikdan murakkablikka bosqichma-bosqich o'tish usuli asosida amalga oshirilgan. Kitobda mavzularga mos ravishda rangli rasmlar, maqollar, topishmoqlar, she'r va ertaklar berilgan, shu bilan bir qatorda ota-onalar uchun ko'rsatmalar, izohlar keltirilgan. Alifbe ermak, ovunchoq yoki maroqli vaqt o'tkazish xususiyatiga ega emas, balki uning vazifasi bolangiz o'qish texnikasini to'g'ri egallashi, o'zlashtirib olishiga qaratilgan. Ushbu kitobimizga «Alifbe uchun yozuv daftari»ni ilova qilamiz. Yozu daftaridan foydalansangiz bolangizga nafaqat to'g'ri o'qishni, balki to'g'ri va chiroyli yozishni ham o'rgatasiz.