Hayotda shunday fidoyi, otash qalbli insonlar uchraydiki, ularning sermazmun umri, jo'shqin faoliyati, amalga oshirgan ezgu ishlari avlodlar uchun haqiqiy ibrat maktabi bo'lib qolaveradi. Qashqadaryolik taniqli tadbirkor Nazira Shodmonova mana shunday insonlardan edi. Mashaqqatli turmush yo'lini bosib o'tgan, halol mehnati, har qanday sharoitda ham ishonchini yo'qotmasdan tinmay oldinga intilishi, qiyinchiliklar oldida esankirab qolmasligi, ishbilarmonlik salohiyati bois oxir-oqibat katta muvaffaqiyatlarga erisha olgan, zamonamiz qahramonlaridan biriga aylangan Nazira opaning yutuq va mag'lubiyatlari, quvonch va qayg'ulari, erishganlari va yo'qotganlari, koʻlamdor xulosa va saboqlari jild-jild kitoblarga mavzu bo'la oladi, albatta. Adiba Zulfiya Qurolboy qizi bir necha yil davomida Nazira opaning hayoti va faoliyatini chuqur o'rganishga harakat qildi. Shu maqsadda qahra- moni tashkil etgan ishlab chiqarish korxonalarida bo'ldi, uning farzandlari, yaqinlari, qarindosh-urug'lari, biznes sohasidagi hamkorlari bilan uchrashdi. Bunday uzoq izlanishlar natijasida yuzaga kelgan badiiy asar qo'lingizda, muhtaram o'quvchi. roman Ishonchimiz komil, cho'ng irodali, matonatli, yurtimizdagi birinchi tadbirkor ayol haqida hayajon bilan bitilgan ushbu asar Siz azizlarga ma'qul bo'ladi.