Ушбу қўлланма рус тилини ўзлаштиришда ўзларининг билими ва нутқий кўникмаларидаги камчиликларни тўлдириш ниятида бўлган рус тилини ўзбек тили орқали ўрганувчиларга мўлжалланган. Грамматик шакллар ҳақидаги маълумотлар ўзбек тилида тушунтирилган ва кирилл алифбосида ёзиб кўрсатилган. Мазкур қўлланмада рус тилининг барча босқичлари (фонетика, лексикология, морфология, синтаксис кабилар) бўйича ўзбек тилидан фарқланувчи ва рус тилини ўрганувчиларда қийинчилик туғдирувчи асосий грамматик қоидалар қамраб олинган. Қўлланмада рус тилидаги тингланган ва ўқилган матнни тушунтириш ҳамда ўз фикрини рус тили қонун-қоидаларига мос равишда оғзаки ва ёзма тарзда баён этишга ўргатиш мақсад қилиб олинган. Тегишли грамматик маълумотлар жадвалларда кўрсатилган.