Hozirgi zamonda insonlar 10 daqiqalik suhbat mobaynida o‘rtacha uch marotaba yolg‘on gapiradi, degan fikrlar mavjud, bu nechog‘lik haqiqat? Yolg‘on odamlar hayotining har bir sohasiga kirib kelgan bo‘lsa, qanday yo‘l tutish darkor? Yolg‘onni so‘zlar va ovoz orqali aniqlashning imkoni bo‘lmasa, nima qilish mumkin? Amerikalik buyuk psixolog, noverbal xulq-atvor tahlilining yagona tizimi asoschisi Pol Ekmanning mazkur kitobida ushbu savollarga batafsil javob topasiz. Yodingizda bo‘lsin, yolg‘onni yashirish aslida juda qiyin. Umumiy mikroifodalar va mikroishoralar yolg‘on gapirayotgan insonni, ijtimoiy mavqei va milliy mansubligidan qat’i nazar, fosh qiladi. Boshqalar ko‘rmaydigan narsalarni payqashni o‘rganing. Kitob yolg‘onni fosh qilishdan manfaatdor bo‘lganlarga siyosatchilar va tadbirkorlar, shifokorlar va yuristlar, psixologlar, pedagoglar, boshqaruvchilar, uy bekalari, kasbiy va shaxsiy hayotda yolg‘on va psixologik nayranglar qurboniga aylanishni istamaydiganlarga bag‘ishlangan.