Amir Temur va temuriylarning moliya-pul siyosati — Irpon To‘xtiyevning Amir Temur va Temuriylar sulolasi davridagi moliya va pul muomalasi tarixiga bag‘ishlangan tadqiqot asaridir. Kitobda o‘sha davrda muomalada bo‘lgan tangalar, ularning zarb etilishi va ular bilan bog‘liq tarixiy voqealar, shuningdek, Temuriylar davlatining shakllanishi va rivojlanishi jarayonidagi moliya-pul tizimining holati ko‘plab dalil va misollar asosida yoritiladi. Asar so‘ngida O‘zbekiston tarixi davlat muzeyida saqlanayotgan tangalarning fotosuratlari va ulardagi yozuvlardan namunalar ham keltirilgan. Kitob tarix, numizmatika hamda Amir Temur va Temuriylar davrining iqtisodiy hayotiga qiziquvchilar uchun muhim manbadir.