Ushbu kitob insonni ikkilantiradigan va o'ylantiradigan turli savollarga javoblar hamda hayotiy tajribalar asosida tartibga keltirilgan. Muallif undagi maslahat va ko'rsatmalarni buyruq emas, balki opa-singil yoki yaqin dugonaning samimiy so'zlari sifatida qabul qilishni taklif etadi. Kitobda jamlangan fikrlar, avvalo, muallifning o'ziga qaratilgan bo'lib, hayotiy zarur ma'lumotlar va tajribalarni o'z ichiga oladi. O'quvchi undan o'z ehtiyojiga qarab xulosa chiqarishi yoki shunchaki muallifning qarashlari sifatida mutolaa qilishi mumkin.