1958-yil. O‘n yetti yoshli Lendon yoshlik yillaridan zavq olib yashaydi. Qizlar bilan uchrashadi, hatto sevib qolganman deb o‘ylaydi. U qayerga bormasin, qo‘lida Muqaddas kitob ko‘tarib yuradigan, beva otasiga g‘amxo‘rlik qiladigan va bolalar uyida ko‘ngilli tadbirlar uyushtiradigan ruhoniyning qizi uyatchan va odamovi Jeymi Sallivandan tamomila farq qiladi. Ammo taqdir ularni uchrashtirishga ahd gilgan. Bitiruv kechasi raqsida majburan juft bo‘lgan Lendon va Jeymi dunyoni larzaga soluvchi muhabbat va azobli yo‘qotish safariga chiqadi. Keyingi oylarda Lendon shundayin hayratlanarli qaror qabul qiladiki, bu uni muqarrar ravishda insoniylik yo‘liga boshlaydi...