Taniqli shoir va tarjimon Abduhamid Parda adabiy jarayonni ham jiddiy kuzatib boradi. Tanlangan asarlarning yettinchi jildidan uning qalamiga mansub o‘ziga xos adabiy o‘ylar, taqriz va tanqidiy maqolalar joy olgan. Maqolalar uch bobga ajratilgan bo‘lib, ularda turkiy adabiyot asoschisi, mutafakkir shoir Yusuf Xos Hojibning qomusiy dostonidan boshlab, endigina adabiyot maydoniga kirib kelayotgan yosh shoirlar ijodiga oid mulohazalar ham bayon qilingan.