Sir emaski, adabiyotga oshno bolalar darsliklardagi mavzularni yaxshi o'zlashtirish borasida tengqurlaridan ilgarilab ketishadi. Shu o'rinda bir savol tug'iladi: "Qanday qilib bolalarda adabiyotga nisbatan mehr uyg'otish mumkin?" Javob esa juda oddiy: "Albatta, ertaklar yordamida". Aziz bolajonlar, sinfning a'lochi o'quvchisi bo'lishni istaysizmi? U holda, o'zingizda har kuni ertak o'qish odatini shakllantiring. Biz esa sizlarga bir-biridan qiziqarli ertaklarni taqdim etib boramiz. Ayni damda qo'lingizda turgan kitob Adiba Meyliyevaning ertaklar to'plami bo'lib, siz unda "Daryo xonim", "Dangasaning shiori", "Bo'zchi va odil podsho", "Qumdan qurilgan qasr", "Sinov" singari bir qator qiziqarli ertaklarni maroq bilan mutolaa etishingiz mumkin.