O‘zbekiston xalq yozuvchisi Odil Yoqubov o‘zining tarixiy romanlari bilan nafaqat o‘zbek kitobxonlari, balki chet ellik kitobxonlarning ham mehrini qozongan. Adib „Ko‘hna dunyo" romanida ikki buyuk olimning bolaligi, ijtimoiy muhit, yoshlik yillari, ilk sevgisidan tortib, daho ijodkorga aylanguncha bo‘lgan davrni jonli va rangli bo‘yoqlarda tasvirlaydi. Ularning ilm-fan taraqqiyotiga qo‘shgan buyuk ishlarini umumlashtirishga harakat qiladi. Har ikki ulug‘ ajdodimizning hayoti va ilm-fan rivojiga qo‘shgan hissasini badiiy obrazlarda aks ettirgan ushbu asar bugungi kun o‘quvchisini befarq qoldirmaydi, degan umiddamiz.