Aziz o‘quvchi! Ushbu kitob o‘z nomi bilan haqiqiy "shpargalka" - imtihon shpargalkasida javoblar tayyor berib qo‘yilgan bo‘ladi, mazkur kitobda esa biznesga kirish saboqlari, muallifning bu boradagi tajribalari va qoqilib-suqilib o‘rganganlari ochiq-oydin bayon qilindi. Bu kitob shunchaki qoidalar va strategiyalar to‘plami emas, aksincha, atrofingizdagi hodisalar va qarshingizda borligini hali payqab ulgurmagan imkoniyatlaringizga biznesmendek qarashni boshlashingizga yordam beruvchi mayoq. Kitobdan siz nafaqat hayotiy maslahatlar, balki eng kutilmagan paytlarda ham olga intilishingizga yordam beradigan motivatsiyani olasiz. Biznes rejasini yaratishdan marketing strategiyasini ishlab chiqishgacha, pul oqimini boshqarishdan kuchli jamoa tuzish sirlarigacha barcha muhim ma’lumotlarni aynan shu kitobdan topasiz. Biznes olami sari qiziqarli sayohatni boshlashga tayyorlaning. Jasorat qiling, maqsadlaringizga tik qarang va doim esda tuting: bilim bu kuch. Kitob mutolaasi bilan biznes sari ilk qadamni tashlash uchun kuch va dadillikka ega bo‘ling. "Biznes shpargalkasi" ulkan marralarga yetishingiz yo‘lida sizga doimiy hamroh bo‘lishini tilab qolaman!