Ushbu kitobchada bir kechada hislarga ega bo‘lgan robot, qachonlardir yo‘llarning qiroli bo‘lgan, endi esa zang bosgan eski mashina, gamburger tayyorlash bo‘yicha tengi yo‘q oshpaz robot haqida hikoya qilinadi. Ayting-chi, bor-budi temir-tersakdan iborat robotning yuragi bo‘lishi mumkinmi? Yoki oddiy non isituvchi mashina qahramonga aylana oladimi? Balki, eski o‘yinchoq ayiqchaning "Pupuk!" degan so‘zida olam-olam ma’no yashiringandir? Bu savollarning javobi motorlar g‘uvullashi va temirlar jaranggi ostida yashiringan! Qani, kalitni burang va bu g‘aroyib sarguzasht motorini ishga tushiring!