Agar ushbu asarni boshidan oxirigacha o‘qisangiz, unda ona yurt mustaqilligi uchun kurash, uni bosqinchilardan ozod qilsih qancha mushkul va murakkab vazifa ekanligini anglaysiz. Bu asarda qatnashgan har bir obrazda ma’lum bir ramziy ma’no yotadi. Ayrimlari bosqinchi (Ajdar), ayrimlari ozodlik kurashchilari Emanqalqon Torin va ning safdoshlari), ayrimlari ma’rifatparvar va oqil (Gendalf), ayrimlari esa xalqparvardir (Bard). Asosiy qahramon Beggins esa vijdonli, tanti, jasur obraz sifatida tasvirlangan. Asar ustida ishlar ekanman, jonajon o‘zbek tilimizning cheksiz boyligidan samarali foydalanish, kitobxonning go‘zal tilimizga bo‘lgan hurmati va muhabbatini qo‘llab-quvvatlashga urindim. Asarni o‘qigan yosh kitobxon murakkab hayotning ko‘plab jihatlari, yaxshi-yomonliklari, oq-u qorasi, yovuzlik bilan ezgulik o‘rtasidagi mangu kurashdan oz bo‘lsa-da voqif bo‘lishi, qiziqarli ma’lumotlar bilan tanishib, bilimini oshishiga shubha yo‘q. Marhamat, o‘qing va zavqlaning!