XIX Fransiya adabiyotining yirik vakili, Yevropa adabiyotida romantizm oqimi asoschilaridan biri Viktor Gyugo "Xo‘rlanganlar", "93-yil", "Parij avliyo bokirasi ibodatxonasi", "Kulayotgan odam" kabi ma’lum va mashhur asarlarning muallifidir. Gyugo asarlaridagi har bir qahramon juda chuqur ijtimoiy-falsafiy mazmunni o‘ziga singdirgan ramziy personajdir. XVIII-XIX asrlarda Fransiya va Yevropa siyosiy-ijtimoiy hayotidagi o‘ta muhim voqealar hamda asarlaridagi qahramonlar taqdiri kesimida yozuvchi azaliy va abadiy qadriyatlar - olijanoblik, to‘g‘rilik, muhabbat va ularning aksi hasad, kibr, sotqinlik to‘g‘risida mahorat bilan hikoya qiladi. O‘zbekiston va Fransiya ko‘pqirrali hamkorligining 30-yilligi arafasida adibning mashhur "Kulayotgan odam" romanining o‘zbek tilida e’lon qilinishi xalqlarimiz va madaniyatlarimizni yanada yaqinlashtiradi degan umiddamiz.