Ушбу китобда мамлакатимиз болалари ва ўсмирларининг севимли нашри «Тонг юлдузи» (аввалги «Ленин учкуни») газетасида салкам бир аср давомида чоп этилган насрий ва назмий ҳамда публицистикамизнинг бебаҳо дуру жавоҳирлари билан танишасиз. Мутолаа чоғида болаликнинг беғубор олами, ўзингиз сабоқ олган мактаб, устозларнинг ибратли ўгитлари хаёлингизни чулғаб олса, ажабмас. Шунингдек, «Тонг юлдузи» мактабидан етишиб чиққан таниқли ёзувчи ва шоирларнинг ўқувчилик давридаги унутилмас ёдномаларидан баҳраманд бўласиз. «Тонг юлдузи» ёритган олам» Сизнинг ҳам кўнглингизни ёритишига ишонамиз.