Тасаввур қилинг, сиз яшаётган оламда баландлик деган тушунча йўқ ҳамма нарса текис, ҳатто тафаккур ҳам! Бу ерда одамлар Чизиқ, Учбурчак, Квадрат, Доира каби шакллар кўринишида ва ҳар бири ўз бурчаги билан баҳоланади. Тартиб қатъий, қоидалар ўзгармас. Бир куни оддий Квадрат тасодифан учинчи ўлчов – Фазони кўриб қолади. Бу кашфиёт унинг дунё ҳақидаги қарашларини ўзгартириб юборади, бироқ буни эшитганлар Квадратни телбага чиқаришади. «Яссиюрт» геометрик эртак эмас, балки тафаккур сарҳадлари, ижтимоий табақаланиш ва зулмга қарши курашиш ҳақидаги рамзий ҳикоя. Эдвин Абботнинг бу сатираси ўқувчини ўз ҳаётидаги «ясси»ликлар ҳақида ўйлашга ундайди. Сиз тафаккур яссиликларидан Фазога юксала олармидингиз?