Аббос Саид бугунги замонавий адабиётимизда ўз ўрнига эга, кўплаб мухлислар томонидан эътироф этилган адиб. У ўз асарларида инсоннинг руҳий оламини тасвирлаш орқали жамиятдаги барқарор қадриятлар, давомли иллатлар ҳамда инсонга боғлиқ бўлган том маънодаги муносабатлар хусусида теран фикрларини баён этади. Муаллиф "Қазойи қадар" романининг Биринчи китоби билан ўқувчилар орасида кенг эътибор қозонган эди. Ушбу китоб эса романнинг Иккинчи асари бўлиб, унда ҳам борлиқ ва йўқлик орасидаги мавжудотларнинг ҳаётий принциплари, тутумлари ҳақида сўз боради. Китобхон образларни қайта учратар экан, уларнинг тақдиридан тўлиқроқ бохабар бўлади. Тасвир ва таҳлилнинг бирлиги ўқувчи кўз олдида ҳар бир саҳнанинг ҳаётий намоён бўлишини таъминлайди.