Inson hech qachon yashab turgan sharoitidan rozi bo‘lmaydi. Uning orzulari mudom yangilanib turadi. Qanchalik ko‘p qulaylikka ega bo‘lmasin, yanada ko‘prog‘iga yetishishni istaydi. Albatta, orzular osongina ro‘yobga chiqib qolmaydi. Buning uchun kishidan keragicha mehnat qilishi talab etiladi. Mana shunday ijobiy odimlashga bo‘lgan intilish inson oldida tez-tez turli tanlovlarni yuzaga keltiradi. Hayotning muayyan jabhasida yangi sahifa ochish uchun nimadandir voz kechishga to‘g‘ri keladi. Biroq o‘zgarishlar har doim ham foydali bo‘lmasligi mumkin. Ko‘prog‘iga yetishish uchun boridan ham mahrum bo‘lib qol- maslik, keskin qaror qabul qilish oldidan yaxshilab mushohada yuritib olish lozim bo‘ladi. Kishi har tomonlama sog‘lom fikr yuritgandagina muvaffaqiyat qozonishi ehtimoli ortadi. Xo‘sh, keskin o‘zgarishlarni amalga oshirishga qanchalar tayyorsiz? Kitob sizga shu borada yaxshi maslahatlarni bera oladi.