Aziz bolajonlar! Hamma zamonlarda ertaklar insonlarni yaxshilik, ezgulikka da’vat qilib kelgan. Ulardagi qahramonlar doimo yovuzlik va zulmat ustidan g‘alaba qozonishgan. Shunday ekan, har bir bolaning ertak o‘qib ulg‘ayishi, dunyoni tanishi muhimdir. Biz sizlar uchun jahon xalqlari ertaklaridan eng saralarini jamlab kitob tayyorladik. Ulardagi qahramonlar hayvonlar, qushlar, baliqlar bo‘lsa ham aslida odamlarga juda o‘xshashadi, odamlardek gapirishadi. Kitobdagi har bir ertak uch – o‘zbek, rus va ingliz tillarida berilgan. Ularni bir-biri bilan solishtiring, bu til o‘rganishingizda juda muhim. Ertaklardagi qahramonlarning aql-zakovati, donoligi doimo sizlarga ham hamroh bo‘lsin!