Taniqli ingliz adibi Lyuis Kerrollning Alisa haqidagi ikki ertagi dunyo tillariga eng ko‘p o‘girilgan asarlar qatorida tilga olinadi. Lekin shu vaqtgacha bu ertaklar asliyatdan o‘zbek tiliga o‘girilmagan edi va kitobxonlarimiz ular bilan turli animatsion va badiiy filmllar orqali tanish edi. Endi sizda Alisa ismli qizaloqning Ko‘zguorti o‘lkasidagi sarguzashtlari, u yerda bir-biridan g‘aroyib jonzotlar bilan tanishishi hamda qirolicha bo‘lish yo‘lida boshidan kechirganlarini o‘zbek tilida o‘qish imkoniyati mavjud. «Alisa Ko‘zguorti o‘lkasida» ertagi yoshidan qat’i nazar hech bir kitobxonni befarq qoldirmasligiga ishonchimiz komil.