Pirimqul Qodirov ko'pdan-ko'p tarixiy manbalarni o'rganib, «Ona lochin vidosi» asarida Gavharshodbegim siymosini go'zal badiiy bo'yoqlarda gavdalantirgan. E'tiborlisi, Gavsharshodbegim shaxsiga aniqlik kiritgan. Asarni o'qigan kitobxon shunga amin bo'ladiki, tarixiy manbalarda ta'rifi keltirilgan Gavharshodbegim, aslida, batsizliklarning sababchisi emas, balki toj-u taxt kurashlarining qurboni, saroy qutqulari hamda ko'pxotinlik natijasidagi valiahdlararo kechgan jang-u jadallarning zavoli bo'lgan oqila, tadbirkor, ma'rifatli ayol ekanini tarixiy-badiiy jihatdan aniq voqealar asosida tasvirlab berilgan. Qahramonning Ona lochin deb atalishi bejiz emas. Gavharshodbegimning Temuriylar saltanatida yorgin iz goldirgan, ma'naviy dunyosi boy, aql-zakovatda zamonning eng peshqadam yollaridan biri bo'lganiga ishonch hosil qilamiz. Zarur choglarda esa uning Temuriyzodalarni tarbiyalash, navgirom iste'dodlarni kashf etish, ularni mehr-muruvvat bilan onalarcha parvarishlash singari fazilatlari, ayniqsa, Mirzo Ulug'bek va Alisher Navoiyga munosabatlarida yorgin gavdalantiriladi.