Мазкур китоб мактабгача ёшдаги болаларни рус тилида тўғри гапиришга ўргатишга мўлжалланган. Китобдан ота-оналар ва тарбиячи мураббийлар ёрдамчи қўлланма сифатида фойдаланишлари мумкин. Эслатиб ўтиш лозимки, ушбу китоб болаларнинг рус тилидан биринчи ўқув дарслиги сифатида қабул қилиниши керак эмас. У рус тилида бир мунча гапирадиган ва етарлича сўз бойлигига эга бўлган тоифадаги болаларга мўлжалланган. Китобдан фойдаланишдан олдин унда келтирилган рус тилидаги сўзлар ёхуд иборалар болангиз учун қанчалик таниш эканлигини аниқланг. Агар аксарият сўзлар унга нотаниш бўлса, ҳар бир машғу- лотни бошлашдан олдин болага янги сўзларни ўргатиб боринг. Ўйлаймизки, мазкур “Замонавий рус тили грамматикаси” китоби рус тилига қизиқувчи барча ёшдаги ўқувчилар учун манзур бўлади.