Инсон зоти борки, ҳар доим қандайдир руҳий озуқага эҳтиёж сезади. Бу ҳолат ишда, ўқишда, қўйингки, бутун турмуш тарзимизда кузатилиши табиий. Баъзан иши юришмаган инсон тушуниб бўлмас тушкунлик исканжасига ҳам тушиб қолиши турган гап. Шундай кезларда киши озгина бўлса ҳам далдага, кимнингдир руҳлантиришига муҳтож бўлади. Ушбу китоб ҳам инсониятнинг ҳаётда енгилмаслигига, ҳар бир нарсада сабот билан туришига даъват ўлароқ ёзилган. Ушбу асар ўқувчига керакли пайтда, керакли маънавий озуқани беради деган умиддамиз.