"Bola odobi bilan aziz" kitobida bolalar odob-axloqi haqida juda kerakli ma’lumotlar berilgan. Misol uchun, uyda va maktabda o‘zini qanday tutish lozimligi, ko‘chada yurish odoblari, ota-onaga, ustozlarga, qarindoshlarga qanday muomala qilish haqida muhim yo‘l-yo‘riqlar ko‘rsatilgan. Shuningdek, bu kitobdan bolalarning dunyoqarashini kengaytiradigan qiziq mavzular va ibratli hikoyalar ham o‘rin olgan. Sevikli farzandlarimiz bu kitobni o‘qib, hayotning mohiyatini yaxshiroq anglab yetadilar, odob-axloq qoidalarini o‘rganadilar, insonlarga ham, atrof-muhit va hayvonot olamiga ham birdek yaxshi munosabatda bo‘lish naqadar muhimligini bilib oladilar.