Kitob haqida “Nur qidirib” asarining bosh mavzusi - Pokiston xalqining ikki yoqlama, yaʼni mustamlakachilar va mahalliy mansabdorlar tomonidan jabr-zulm ostida qolganiga qarshi erksevar xalq farzandlari kurash olib borishlaridan iborat. Qissaning bosh qahramonlari – Ahmad Husayn va Iskandaro xalq ozodligi va farovonligi yoʻlida kurashish barobarida oʻz muhabbatlariga erishish uchun ham astoydil intiladi. Ahmad Husayn moddiy ahvoli tang boʻlishiga qaramasdan iymon-eʼtiqodiga xilof vazifalarda ishlashdan bosh tortadi. Bir-birini qattiq sevgan Ahmad Husayn va Iskandaroning ishq va muhabbat, gʻayrat va shijoat, oʻzlarining ham, xalqning ham baxtiyor kelajagiga oid orzu va umidlar bilan limmo-lim qalblari “Nur qidirib” quyosh sari talpinadi...