Ушбу тўпламда Баҳодир Йўлдошев, Римма Аҳмедова, Дилором Каримова, Мурод Муҳаммад Дўст каби миллатимиз ойдинлари билан суҳбатлар, санъат ва адабиёт ҳақидаги мақолалар, эсселарга кенг ўрин берилган. Китобни қисқагина қилиб «уйғунлик жозибаси» деб таърифлаш мумкин. Чунки муаллиф ҳайрат ва теранликни, туйғу ва илмни бир нуқтага жамлаб, етилган хулосаларинигина ўқувчи эътиборига ҳавола этади, ёзганларида гоҳ адабиётшунос, гоҳ санъатшунос, гоҳ журналист сифатида гавдаланади. Китобдаги ҳар суҳбат бир кашфиёт суҳбатдошнинг номаълум олами ўқувчига очиб берилади, қаҳрамон ҳам қалбидаги ўз англамлари заргарона юзага чиқарилганини кўради. Биринчи китоби нашри ўн беш йилдан ошган Иқбол Кўшшаеванинг янги тўплами мутолааси ёқимли бўлишига ишонамиз.