Самимиятга йўғрилган мазкур китобчада муаллиф ўз болалиги, хотирасига нур бериб турган ўсмирликнинг тиниқ лаҳзаларини оммабоп тарзда тасвирлайди. Муаллиф болаликдаги ўзгача ҳаёт, одамлар орасидаги оқибат ва тантилик тушунчаларини бугунги кунимизда муҳим аҳамият касб этиб бўлган, ҳаётимиз тарзига айланиб бораётган номақбул ҳодисалар билан қиёслайди. Оиладаги буюк тарбия, кўча-кўйдаги меҳр-оқибат, инсонлар орасидаги самимий муносабатлар нега йўқолиб бормоқда? Ахир муаллифнинг ўспирин йиллари ўтганига ҳали жуда кўп бўлмади-ку, наҳотки, шу вақт оралиғида бизлар шунчалар ўзгариб кетдик? Бугунда замондошларимизни ўйлантираётган муаммолар ёзувчи томонидан ўзига хос услубда баён этилган. Китоб барча ўқувчиларимизга манзур бўлади деган умиддамиз.