Биз бугун шонли тарихимиз, жасоратли буюк аждодларимиз билан ҳақли равишда фахрланамиз. Элимизнинг ардоқли шоираси Шарифа Салимованинг ушбу «Тўмарис» достони ХХѴ беш аср илгари она заминимизни ёғийдан ҳимоя қилган, эрк ва садоқатни ҳаётнинг мазмуни деб билган жасоратли аёл Тўмарис ҳақидадир. Бу тарихий ҳақиқатнинг юксак бадиий лирик чизгилардаги манзараси ҳар қандай ўқувчини бефарқ қолдирмайди. Китобхонни матонатли аёл қалб кечинмалари билан ошно тутунишга ундайди.