O'lmas Umarbekov 1934-yil 25-yanvarda Toshkent shahrida tug'ilgan. O'zbekiston xalq yozuvchisi. O'zbekistonda xizmat ko'rsatgan san'at arbobi. Hamza nomidagi O'zbekiston Davlat mukofoti laureati. O'rta Osiyo davlat universitetining filologiya fakultetini tugatgan. Ilk kitobi - «Hikoyalar». «Xatingni kutaman», «Yurak so'zlari», «Boboyong'oq», «Yulduzlar», «Menga ishonmaysanmi?», «Hayot abadiy», «Charos», «Ko'prik», «Bolgar qo'shiqlari», «Oltin yaproqlar», «Qiyomat qarz», «Yer yonganda» kabi hikoya to'plamlari nashr etilgan. «Odam bo'lish qiyin», «Fotima va Zuhra» romanlar hamda «Sevgim - sevgilim», «Kimning tashvishi yo'q», «Urush farzandi», «Yoz yomg'iri», «Oq qaldirg'och» singari issalar muallifi. «Oqar suvlar», «Tuhmat», «Oqsoqol», «O'zing uchun o'l yetim» kabi dramalar yozgan. So'nggi asari - «Qizimga maktublar» («Mangu hayot bo'sag'asida»). O'lmas Umarbekov 1994-yil 10-noyabrda vafot etgan.