"Yaxshi xulqlar" ("Axloqi muhsiniy") - Sharq pandnoma an’analariga mansub nodir asarlardan bo‘lib, unda inson xulq-atvorini tarbiyalash yo‘llari, axloqiy fazilatlar, yomon odatlarning zararli oqibatlari chuqur tahlil qilinadi. Kitobda muallif har bir inson o‘z fe’l-atvorini qanday tarbiyalashi, jamiyatda obro‘-e’tibor qozonishi, Yaratgan va uning bandalari oldida mas’uliyatli bo‘lishi lozimligini sodda, ammo ta’sirchan til bilan 40 ta bobda atroflicha bayon qiladi. Asardan nafaqat nasihatlar, balki hayotiy tajriba asosida berilgan amaliy maslahatlar, ibratli hikoyalar ham o‘rin olgani uni yanada o‘qishli qiladi.