Ona! Bu kitob sizga onangizni, onangizning nurli siymosini, onangizning shirin so‘zlarini, onangizning qalb to‘la muhabbatini, onangizning borligini eslatadi. "Dunyoning tashvishlari tugarmidi, o‘zingizdan qo‘ymasin, ona", deysiz volidangiz diydori tomon oshiqib. Ha, hamma onalarga bag‘ishlangan bu kitob. Dunyolarga sig‘magan vaqtingizda, dunyoning alam va iztiroblari yelkangizni tog‘ qadar bosib turganda o‘sha siymo keladi ko‘z oldingizga. Joningiz og‘riganda, yuragingizga qil sig‘magan vaqtlarda namoyon bo‘ladi bu siymo. Chunki bizni mana shunday og‘riqlarimiz bilan qabul qilguvchi yagona inson bu bizning ONALARIMIZDIR.