Бу роман Байрут халқаро китоб кўргазмасида "Энг яхши китоб" мукофотини қўлга киритган. Китоб ўз олдига катта мақсад қўйган, орзуларига эришишда тўсиқларга дуч келган ва келажаги учун режа тузмоқчи бўлган инсонларга руҳий далда бўлади. Романда Байрутда хизматкор бўлиб ишлашга мажбур бўлган ақлли ва шижоатли қишлоқ қизи Фотен ҳақида сўз боради. Фотен таслим бўлмайди. Ўзининг ақл-заковати ва кучли иродаси билан қийин вазиятдан чиқиш режасини тузади. Атрофида дўстлари борлиги, эркин инсон бўлиш орзуси ва яхши келажак сари олға силжишдаги қатъияти Фотенни орзуларига эришиш йўлига бошлайди.