Турк адабиёти осмонида чарақлаган юлдузлар – Умар Сайфиддин, Аҳмад Унал Чам, Жунайд Суави, Сабоҳиддин Али, Вусат Ўрхон Бенер сингари адиблар ўзбек ўқувчиларига яхши таниш. Бу адиблар ёзган асарлар ҳамон ўз ўқувчисини топиб келаётир. Шунинг учун ҳам ана шу машҳур адиблар қаламига мансуб, бир туркум ҳикоялар гулдастани тайёрлашга жазм қилдик. Ҳикоялар ҳаётий ҳамда таъсирчанлиги билан кишини фикрлашга, ҳаётни севишга, инсон деган шарафли номга муносиб бўлмоқликка ундайди. Қардош туркларнинг яшаш тарзи, қадриятлари, дунёқараши, орзу-мақсадлари ҳақида хабар беради. Қолаверса, ўша халқда кечаётган адабий жараён ва ижодкорларнинг ижтимоий ҳаётга бўлган муносабатини кўрсатади.