Ҳар бир бола алоҳидадир ва ҳеч бирининг ақлий ҳамда физиологик ривожланиш йўли бошқаларники билан бир хил бўлмайди. Ҳар қандай бола сингари Сизнинг фарзандингиздаги ривожланиш жараёни ҳам ўзига хос суръатда рўй беради. Шу сабабли мазкур китобдан ўрин олган маълумотлар бу жараёнларнинг содир бўлиш вақтини аниқ кўрсатмайди. Ушбу китоб ой/йилларга кўра фарзандингизда кузатилган ёки яқин орада юз бериши мумкин бўлган физиологик ўзгариш ва ақлий ривожланиш жараёнлари ҳақида умумий тасаввур ҳосил қилишингизга ёрдам беради.