Дунёдаги энг бой инсон ким? Бу саволга ҳар ким турлича жавоб бериши мумкин. Қўлингиздаги мазкур китоб мутолаасидан сўнг мушоҳадага толасиз. Инсоннинг қалб хотиржамлиги, ҳалолликка асосланган турмуши энг катта бойлик, деган хулосага келасиз! Бировнинг ҳақига кўз олайтирмай, ўзгаларнинг қалбига озор етказмай, атрофдагиларнинг ҳаётига дахл қилмай умр кечириш нақадар саодатли бахт эканига амин бўласиз. Асарда бир жиноят тафсилоти ортидан турли кутилмаган ҳодисалар чиқиб келиши ўқувчи қалбини ҳаяжонга солса, жамиятдаги айрим камчиликларнинг аёвсиз очиб берилиши ҳушёрликка ундайди. Бир сўз билан айтганда, «Ғайриоддий интиқом» асари ўқувчиларга ғайриоддий ҳислар ва ўзгача завқ улаша олишига ишонамиз.