Gulruh Markayeva - yosh, iste’dodli adiblarimizdan biri. U adabiyotda o‘z o‘rniga ega bo‘lish, o‘z ovozini eshittirish uchun mudom harakatda. Hikoyalarida hech kimni takrorlamaslikka, o‘ziga xos uslubga ega bo‘lishga harakat qiladi. Hayotni sinchkovlik bilan, butun ikir-chikirlarigacha kuzatib qalamga olishga intiladi. Qahramonlari hayotiy, topilmalari original, tili shirali, chiqargan xulosalari go‘zal, o‘quvchiga aytadigan gapi, dardi bisyor. Kitob chin adabiyot muxlislariga manzur bo'ladi degan umiddamiz.