Ismoilbek G‘aspirali qalamiga mansub "Xotinlar o‘lkasi" - ma'rifatparvarlik ruhidagi muhim asarlardan biridir. Asar hajman kichik bo‘lsa-da, mazmunan dolzarb ijtimoiy muammolarga bag‘ishlangan. Unda o‘sha davrdagi ayollarining og‘ir ahvoli, ularning jaholat, nodonlik va majburiy cheklovlar ichida yashashlari tasvirlanadi. Ismoilbek xayoliy safar orqali "xotinlar mamlakati"ni ko'rsatib, u yerda ayollarning erkinlikdan, bilimdan va insoniy huquqlardan mahrum etilganini ochib beradi. Asarda ayolning jamiyatdagi o‘rni, oiladagi qadri va uning taqdiriga befarqlik oqibatlari keskin tanqid qilinadi. Muallif ayollarga ta'lim berish, ularni erkin fikrlashga chorlash jamiyat taraqqiyotining eng muhim sharti ekanini ta'kidlaydi. "Xotinlar o‘lkasi" nafaqat ayollar taqdiri haqida, balki butun millatning kelajagi haqida ogohlik qo‘ng‘irog‘i bo‘lib yangraydi.