Ушбу китобда Кнут Ҳамсуннинг «Виктория» ва «Эдварда» романлари жамланган. Инсон қалбининг барча шодлик ва изтиробларини, унинг яширин туйғуларини юракдан ҳис этишга имкон берадиган бундай асарлар адабиётда бармоқ билан санарли. «Виктория» романи Юханнес ва бой қиз Виктория ўртасидаги муҳаббат фожиаси ҳақида ҳикоя қилади. Жамиятдаги ижтимоий тенгсизлик, моддий манфаатлар ва анъанавий қарашлар уларнинг бахтига тўсқинлик қилади. Асар ўз даври учун янгича психологик таҳлил, ички монологлар ва чуқур индивидуализм билан ажралиб туради. Муаллиф атроф-жавонибда бўлаётган ноҳақликларни кўрсатиб, инсоний туйғуларнинг мураккаблигини очиб беради. «Эдварда» асари эса ҳар бир қаҳрамон ҳолати, унинг шодлигию қайғуси, изтиробию аламларини, қалбидан кечаётган майда азоб-ларигача бирга туямиз. Худдики, у бизга бегона эмасдек. Баайни... биз уларнинг ўзига айланамиз... Китоб адабиёт ихлосмандлари, умуман, инсон руҳиятини ўрганишга қизиқувчи кенг китобхонлар оммасига мўлжалланган.