Yelinek zamonaviy dunyo adabiyotining eng murakkab va bahsli ijodkori. Adabiyotshunoslar doimiy tanqid qiladi, o'quvchilar yoqtirmaydi, cherkov esa burun jiyiradi. Shunga qaramasdan, hech kim Yelinekning mavjudligidan, tafakkurni mutlaqo boshqa oʻzanga burib yuborganidan koʻz yumolmaydi. U ketma-ket mukofotlar oladi, tinimsiz asarlar yozadi, dunyo tillariga o'giriladi va ijodi bilan insoniyat yuziga tarsaki tortishda davom etaveradi.  “Pianinochi ayol” romani bilan Nobel mukofotiga erishgan Yelinekning “Ma'shuqalar” asari oʻzbek tilida ilk bor nashr etildi.