Bolajonlarimizning dunyoqarashi o'sib, o'zini taniy boshlagani, atrof-muhitga qiziqishi o'sib borgani sari biz kutmagan va hatto javobini bera olmaydigan savollari ko'payadi: "Nega aksirganda ko'zlarimizni yumib olamiz?" "Men qanday tug'ilganman?" "Nega ukam mendan boshqacha?" "Nega ba'zi odamlarning rangi qora, ba'zilariniki esa oq?" "Nega yuragimizning shakli bunday?" "Parazitlar ichimizga qanday kirib oladi?". Miyaning ichki faoliyatidan tortib DNK mo'jizalarigacha barcha ma'lumotlarni qamrab olgan ushbu ensiklopediya farzandlarimizning yugoridagi kabi savollariga batafsil javob beradi. Professional darajadagi mavzularga oid rang-barang fotosuratlar va foydali diagrammalar tanamizning qanday ishlashi bo'yicha o'g'il-qizlarimizning vizual taassurotlarini boyitadi.