Замонавий япон адабиётининг кўзга кўринган вакилларидан бири бўлган Ҳаруки Муракамининг "Норвег ўрмони" романи 1987-йилда ёзилган ва муаллифига дунё миқёсида шуҳрат келтирган асарларидан биридир. Роман ёшлар орасида жуда машҳур бўлишига сабаб, унда муаллиф ҳали жисмоний ёки психологик жиҳатдан тайёр бўлмаган ҳолда катталарнинг мураккаб дунёсига кириш учун болаликдан воз кечиш жараёнини бошдан кечираётган япон ёшлари ҳаётининг самимий портретини чизади. "Норвег ўрмони" - бу ёлғизлик, меланхолия ва умидга асосланган фожиали севги тарихигина эмас, мулоҳазага бой ва ўйлашга ундовчи роман ҳамдир. Ўзгача ритмга эга, диққат билан ўқиб чиққан ўқувчи йиллар давомида ечим излаган муаммолари моҳиятини англаб етиши мумкин.