Isajon Sulton – bugungi milliy adabiyotimizning yorqin vakili. Uning «Boqiy darbadar», «Ozod», «Genetik», «Alisher Navoiy» romanlari allaqachon kitobxonlar qalbidan joy olgan. Yozuvchining uslubi, mavzu ichida urg‘u berilajak jihati, aytish mumkinki, o‘quvchini mutolaaga bog‘lab qo‘yadi. Mazkur kitobdan ikkita roman – fikr-mulohazalarga undovchi, charxlovchi SO‘Z – «Genetik» va «Ozod» o‘rin olgan. «Genetik» romani – elning olis-yaqin qishloqlaridan birida tug‘ilib o‘sgan, zamonaviy ilm yordamida o‘z xalqining teran ildizlariga razm solgan yigitchaning o‘y-fikrlaridan hikoya qiladi . «Ozod» romani murakkab kompozitsiyaga va milliy an’analarimizning yangicha talqiniga bag‘ishlangan voyaga yetib kelayotgan bir o‘spirinning ma’no va hikmat dunyolariga qadam qo‘yishi, o‘zligini anglab yetishi, shuningdek, butun olam, agar inson qiymat bermasa hechligi va dunyodagi har bir narsa inson beradigan qiymatga zor ekanligi haqidadir. Butun olam, tevarak-atrofdagi voqealar va hodisalar Ozodni taniydilar.