Bir qarashda ushbu kitob muhabbat iztiroblarini aks ettirgan romanga o‘xshab ko‘rinadi. Ammo asar hayotning qalb iztiroblari bilan hisoblashmaydigan shafqatsiz qonuniyatlarini ham kashf etadi. Bu olamda har bir yaralmishning o‘z makoni mavjud. Vahshiy jonzotlar o‘rmonlar, changalzorlarda yashaydi. Jamiyatda ham shunday. Har bir insonning o‘z ijtimoiy muhiti mavjud. O‘zi mansub bo‘lgan makonni, muhitni tark etish halokatlidir. Mana shu haqiqatni Teodor Drayzer o‘zining "Jenni Gerxardt" romanida go‘zal, ma’suma, mehnatkash, fidoyi, sohir qalb egasi bo‘l­mish Jenni taqdirida aks ettiradi.