Shahzod Shomansurovning charm kurtka kiygan qahramonlari o'zbek o'quvchisi uchun noodatiy bo'lishi tayin. Ular doim allaqayerga shoshadi, o'yga berilganda ham nuqul noo'zbekona falsafa so'qiydi, qo'li qon, atrofi qon va har doim sarguzasht o'rtasida bo'ladi. Ularni bizning o'quvchiga bog'lab turadigan bitta narsa bor - insoniylik. Muallifning macho-qahramonlari nima qilganda ham odam, ularning ham ehtiyojlari va umidlari, orzulari va maqsadlari, muhabbati va nafrati bor. Bu esa o'quvchining hayot haqidagi tasavvurlarini yana bir qadamga kengaytirishiga ishonamiz.