Mustaqillik sharofati bilan o'zbekistonliklar jahon adabiyotining eng sara namunalarini bevosita xorijiy tildan ona tillariga o'girilgan holatda mutolaa qilish imkoniyatiga ega bo'ldilar. O'zbeklar hamda fransuzlarni qator mushtarakliklar bog'lab turadi. Mehmondo'stlik, samimiyat, ilm-ma'rifatga chanqoqlik, bag'rikenglik kabi xislatlar har ikki xalqning milliy xususiyatlari sanaladi. Shundan bo'lsa kerak, o'zbeklar azaldan fransuz adabiyoti namunalarini sevib o'qiydilar. Graf Monte-Kristo, Uch mushketyor, Dyurua, Gobsek, Guinplen, Gavrosh, Gorio ota, Mondo va boshqa qator qahramonlari orqali Dyuma, Mopassan, Balzak, Gyugo, Le Klezio kabi mashhur yozuvchilarning asarlari o'zbeklarning xonadonlariga va qalblariga kirib ulgur- dilar. Sizga taqdim qilinayotgan to'plamga fransuz mumtoz va yangi zamon adabiyotining eng sara asarlari kiritildi. An'anaga ko'ra ularda insoniylik, yaxshilik, bag'rikenglik va kelajakka ishonch bilan qarashga da'vatga keng o'rin beriladi.