Bir parcha go‘shtga zor Tom-King ringga ko‘tarilarkan, g‘alaba haqida emas, yutuqqa vaʼda qilingan pul haqida o‘ylaydi va allaqachon qo‘lga tegishi dargumon bo‘lgan bu pulga oilaning necha oylardan beri to‘lanmay kelayotgan ijara qarzi, do‘konlardan qorin g‘ami uchun olingan pullarni egalariga qaytarish va to‘yib bir parcha go‘sht yeyishni orzu qiladi. Uzoq yillar qavmidan olimga ketib o‘z dunyosi odamlarining turmush tarzidan mutlaqo boshqa turmush tarziga tushib qolgan, qavmining yoniga qaytib ko‘rgan-kechirganlarini aytib berganida kulgiga qolgan va ayni paytda qabiladoshlari tomonidan quvg‘inga mahkum qilingan Nam-Bok odamlar baxtga emas, baxtsizlikka ko‘nikib qolganlaridan hayratga tushadi. Jek London asarlari qahramonlarining taqdiri hamisha baxtsiz yakun topadi. Nega ? Chunki odamlar bunday taqdirga o‘zlarini o‘zlari hukm qilganlar.