Xadicha Kubro Tongarning «Baqirmaydigan onalar» nomli kitobi butun dunyo bo'ylab tarqaldi va sevib o'qildi. Jumladan, «Sep» asari ham «Baqirmaydigan onalar» kabi minglab onalarning qalbini zabt etdi. Chunki onalar qizlariga tarbiya berar ekan, hamisha o'zlarining hayotiy tajribalaridan kelib chiqadi. Qizlarini uzatar ekan, bilib-bilmay, ularning sepiga avloddan avlodga o'tib kelayotgan qo'rquvlar, qayg'ular, umidlarni qo'shib yuboradi. Kitob esa qizlar qismatlarini o'zlari yaratishi kerakligi, seplarini muhabbat va baxtga to'ldirishlari lozimligi haqida yozilgan. Asar hayotiy voqealar, psixologik bilimlarni qamrab oladi va tilining ravonligi, oddiyligi, badiiy bo'yoqdorligi bilan yanada jozibali. Aziz o'quvchilarga yoqimli mutolaa tilaymiz.