Inson uchun o'z kundalik hayotini tartibga solishda muayyan bir qoida bormi? Yoki bu borada har bir shaxs uchun alohida mezonlar mavjudmi? Yangiliklarga boy, turmush sur'ati tobora oshib borayotgan zamonamiz kishisi bugun dadil qadam tashlasa yutadimi yoki qay darajada sekin va sokin bo'lmasin, bardavom bo'lganidami? O'zi turmushni ma'lum bir qoidalar asosiga qurish, qat'iy tartib-intizom o'rnatish qay darajada muhim ahamiyatga ega? Ana shu savollarga javob topish, o'zingizni taftish qilish, harakatlaringizga sifat va samara undirmoqchi bo'lsangiz, mazkur asar sizga yaqin ko'makchi bo'la oladi. Muallif ushbu asarda nazariy bilimlar orqaligina emas, balki sinovdan o'tgan amaliy tajribalar asosida sizni har taraflama qat'iyatli va irodali bo'lishga chorlaydi, tabiatingizga mos uslub va yo'llarni tanlashingiz uchun turli imkoniyatlarni taqdim etadi.