"Asuman" romani televideniya ta'sirida Bulent Ata tomonidan mini serial tarzida yozilgan. Yoshu qari hamma zavq bilan birdek o‘qiy oladigan bu asarda Asuman orqali bizlarga bir turk oilasi hayotidan parchalar taqdim etiladi. Bulent Ata bizga deyarli butunlay dialoglardan tashkil topgan, o‘zgacha yozuv uslubiga ega hikoyani taqdim etdi. Asar bosh qahramoni Asuman 25 yoshli qiz, tez-tez muammo tug'diradi, aqlli, ammo shaddod, universitetni bitirgan bo'lishiga qaramay ish topa olmagan (balki topishni istamagan). Asumanning kasbi haydovchi bo‘lgan otasi, sepkilli tovuqli onasi, g'amxo'r ikki ukasi va bir opasi bor. Asuman ota-onasi bilan yashaydigan, lekin o'z uyiga ega bo'lishni xohlaydigan yosh qiz. Asuman turmush qurishni istaydi, lekin unga kim uylanish niyatida bo‘lmasin, bir-birini ta’qib qiladigan falokatlar silsilasi davom etadi va har bir urinish omadsizlik bilan tugaydi. Bir kuni u Tolip bilan uchrashadi. Tolip mikroavtobus haydovchisi bo'lib ishlaydi. Voqealar shunday rivojlanadiki, ular har chorrahada uchrashadi. Tolip Asumanni janjalkor deb bilsa-da, munosabatlaridagi yaqinlik muqarrar bo‘lib qoladi. Ortiqcha gapirmaylik, Asuman oxiri noma’lum bu yo‘llarning sayohatchisi, uning boshidan nimalar kechishini oldindan aytish qiyin.